لەم رۆژانەدا ئاکامی هەڵبژاردنی ئەندامانی پارڵمانی کوردستان ڕاگەیەندرا کە ئاکامەکەی هەرچیەک بێت خواستی خەڵکە و دەبێ رێزی لێ بگیردرێت، لەبەر ئەوەی کە رێز گرتن لە ئاکامی هەڵبژاردن رێزگرتنە لە دێموکڕاسی ویستی خەڵک.
هەموو لایەنە سیاسیەکانی هەریمی
کوردستان بە بێ جیاوازی و بێ بەربەستی یاسایی کاندیدی خۆیان هەبوو لە هەڵبژاردن
و خەڵکی هەریمی کوردستانیش ئازادانە دەنگی
خۆیان خستە ناو سندوقەکانی دەنگدانەو لە ژێر چاوەدێری وردی چاوەدێرانی نێودەولەتی
و هەروەها لایەنەکان هەڵبژاردنێکی زۆر باش بەرێوە چوو کە وڵاتانی دەوروبەر و
راگەیەنە گرینگەکانی جیهانیش باسیان لەم ئەزمونی دێموکراسیەی هەریم کرد کە لە
رۆژهەڵاتی ناوەڕاست دا زۆر کەم دەبیندرێت. ئەگەر ئێران لەم بوارەدا بە نمونە
بێنینەوە ئەوا هەم کاندیداکان و هەمیش خەڵک وەکوو خەڵکی هەریمی
کوردستان ناتوانن ئازادانە خۆیان بپاڵێون
یان نوێنەری ڕاستەقینەی خۆیان هەڵبژێرن.
لە پێوەندی لەگەڵ مافی و
ئازادیەکانی هاوڵاتیان و پرسی دێموکراسی دا هەریمی کوردستان چەندین هەنگاو لە پێش
وڵاتانی دیکەوەیە هەرچەند کە هەرێمی کوردستان وڵاتێکی سەربەخۆ نیە و وڵاتانی
دراوسێ لە ژێر پەردەوە بەردەوام لە هەوڵی تێکدان و لە باربردنی ئەو حکومەتە
دان لە هەر رێگایەکەوە کە بۆیان بگونجێت.
شایانی باسە کە لە هەر هەڵبژاردنێک
دا لایەنێکی سیاسی دەیباتەوە لایەنێکی دیکە دەیدۆڕێنێ و ئەوە شتێکی سروشتیە و
ئاکامی هەموو هەڵبژاردنێک هەر ئەوەیە بەڵام ئەوەی جێگای سەرنجە ئەوەیەکە لە
وڵاتانی پێشکەوتوو دا دوای ڕاگەیاندنی ئاکامی هەڵبژاردن هەموو لایەنەکان رێز لە
ئاکامی هەڵبژاردن دەگرن و پیرۆزباییش لە یەکتری و لایەنی سەکەوتوو لە هەڵبژاردن دا
دەکەن. هەڵوێستێکی ئاوا باش و دروست نە لەناو خۆی رێکخراوە سیاسیەکانی کوردستان
داو لە بە گشتی لە هەڵوێستی حیزبەکانی کوردستان دا تاکوو ئەم دوایانە جێگایەکی
نەبوو.
بەڵام دوای راگەیاندنی ئاکامە
بەرایەکانی هەڵبژاردن و دوای ئەوەی کە یەکیەتی نیشتمانی کوردستان دیتی لە
هەڵبژاردنی ئەم جارەی ئەندامانی پاڕڵمانی کوردستان دا سەرکەوتوو نەبووە و
دەنگەکانی کەمی کردووە لە چاو خولەکانی ڕابردوو دا لە هەڵوێستێکی دروست و دەگمەن
دا وتی رێز لە ویستی خەڵکی هەریمی کوردستان دەگرین و بە کارو کردەوەکانی خۆمان دا
دەچینەوە و وەک هەمیشە نوێبوونەوە دەکەین.
هەڵوێستێک کە بە لای منە زۆر گرینگ
و مێژوویی بوو یەکەم جارە حیزبێکی کوردی وەها بە ڕاشکاوانە دان بە سەرنەوتنی دا
بنێت خۆی لە دەنگ و ویستی خەڵک نەدزێتەوە و سەرنەکەوتنی بە هۆکاری نابەجێ پاساو
نەدات. بە دڵنیایەوە ئەو هەڵوێستە و هەروەها بڕیاری پێداچوونەوە بە سیاسەت و کارو
کردەوەکانیان نەتەنیا نابنە هۆی لاوازی یەکیەتی نیشتمانی بەڵکوو ئاسۆیەکی ڕوون بۆ
ئەو حیزبە بەدی دێنێت و بەرەو هەڵکشان و سەرکەوتنی دەبات لە قۆناخەکانی دیکەدا
چوونکە نە سەرکەوتنەکان تاکوو سەرن و نە شکست و سەرنەکەوتنەکان.
ئەم هەڵوێستە خەڵکی هەریمی
کوردستان زیاتر یەکگرتووتر دەکات و هەروەها زیاتر متمانەیان بە هەڵبژاردن و
دەنگەکانی خۆیان دەکەن و دڵسارد نابنەوە لەدەنگدان و هەنگاونان بەرەو دێموکراسی و
ماف و ئازادیەکانیان.
ئەوەی کە لێرەدا زۆر گرینگە کە
ئاماژە پێبکەم ئەوەیە کە دەبێ خەڵکی کوردستان و حیزبەکانیش کار بۆ ئەوە بکەن هەوڵ
بدەن کە سیستمێک بێننە کایەوە کە هیچ حیزب و ئایدیایەکی تایبەتی نەتوانێ دوای
بەدەستەوە گرتنی دەسەڵات، ئەوا دەسەڵات پاوان بکات و بەرەو دیکتاتۆڕی ببات.
هیچ نظری موجود نیست:
ارسال یک نظر