لە كوردستان زەخت و گوشار بۆ سەر مامۆستایانی ئایینی روو لە زیاد بوونە

یەكێك لە مامۆستایانی ئایینیی گەڕەكێكی شاری سەردەشت بۆ شەشەمین جار بە تاوانی باس كردن لەبارەی پرسی نەتەوەیی، بانگهێشتی دادگای رۆحانیەتی شاری ورمێ‌ كراوە.

بەپێی راپۆرتی هەواڵنێری كوردپا، مامۆستا مەلا سەلام گوڵنوازی، پێش نوێژ و مامۆستای ئایینیی مزگەوتی حەزرەتی عومەر لە گەڕەكی شیوە برایم لە شاری سەردەشت، بە تاوانی قسە كردن لەسەر پرسی نەتەوەیی كورد، بۆ شەشەمین جار بانگهێشتی دادگای رۆحانیەتی شاری ورمێ‌ كراوە.

هەواڵنێری كوردپا لە درێژەی راپۆرتەكەیدا ئاماژەی بەوەش داوە 100 كەس لە خەڵكی شاری سەردەشت كە بۆ شایەتی دان بۆ مەلا سەلام، رۆیشتبوونە دادگای ورمێ‌، لە ئیعتراز بە كەمتەرخەمیی بەرپرسانی دادگای رۆحانیەت، وێڕای مەلا سەلام دادگایان بەجێ‌ هێشتووە و بەرو شاری سەردەشت گەڕاونەتەوە.

فیلمێکی کۆن سەبارەت بە کوردستان

فیلمێکی کۆن سەبارەت بە کوردستان بە زمانی ئینگلیسی

رۆژی جیهانی کرێکار پیرۆز بێت

لە یەکەمی مانگی مای ساڵی ١٨٨٦ لە شیکاگۆی ئەمریکا کرێکاران لە پێناو گۆرانکاری پێکهێنان لە بارودۆخی کار و هەروەها کەمکردنەوەی کاتژمێرەکانی کارکردن لە ١٠ کاتژمێر بۆ ٨ کاتژمێر مانیان گرتن و هاتنە سەرشەقام و بریار وابوو کە داواکاری کرێکارەکان جێ بەجێ بکرێت بەڵام کە پشت گوێ خرا ئەوا  رۆژی ٤ی مای هەمان ساڵ کرێکاران رێپێوانیان کرد کە ئەو رێپێوانە بە تووندی رووبەرووی توندوتیژی بۆوە.

لەو کاتەوە تاکوو ئێستا رۆژی مانگی مای هەموو ساڵی بە مەبەستی پشتیوانی کردن لە داخوازی کرێکاران لە زۆربەی وڵاتانی جیهان ئەم رۆژە پیرۆز دەکرێت. لە کوردستانیش وەک زۆر شوێنی جیهان ئەم رۆژە پیرۆز دەکرێت. هەرچەندە کوردستان بە هۆی هەڵاواردنی دەسەڵاتی ناوەندی لە تاران کەمتر گرینگی پێدراوە و لەو رووەوە کارخانە وکۆمپانیای گرینگی زۆر کەمن و ئەوەش وادەکات کە کرێکار بەو پێناسەیەی کە باوە کەمتر کرێکارانی کوردستان بگرێتەوە بەڵام بەگشتی کرێکارانی کوردستانیش بەدەرنین لەو رەنج و هەڵاواردنەی کە کرێکاران بەگشتی لەگەڵی بەرەو روون.

گۆرانیەکی هەست بزوێن بۆ یادی کیمیابارانکرانی شاری سەردەشت بە دەنگی "جەلال حەسەنپوور"

گۆرانی "رۆلە لای لایە" بە دەنگی هونەرمەند ''جەلال حەسەنپوور'' کە لە مەراسمی یادی کیمیابارانی سەردەشت لە گۆرەپانی ''سەرچاوەی سەردەشت'' پێشکەشی کردوە.

بۆ بینین و گوێگرتن لە گوڕانیەکە کلیک لەسەر "رۆلە لای لایە" بکەن.

رۆلە لای لایە رۆلە لای لایە

خۆ م بەبێ تۆ وەی‌رۆ چاوم لێک نایە،  خۆم من بەبێ تۆ پێم لە دوونایە، ئاخ پێم لە دوو نایە

دەروازەی شارم لێ داخراوە

پاڵم وە لوتکەی هەورو گڕ داوە

خۆم و غوربەتیم بە کۆڵ داداوە وڵاتەکەمم وەی‌رۆ لێ بەجێ ماوە

رۆلە لای لایە، رۆلە لای لایە

خۆم من بەبێ تۆ پێم لە دوونایە ئاخ پێم لە دوو نایە خۆ م بەبێ تۆ پێم هەڵنایە، ئاخ  چاوم هەڵنایە

گەر بارانێک بایەم سوار ئاور دەبووم بەرەو ئاسمانی ئای وڵاتم دەچووم، دەبووم بە هێل بۆ ناخی خاکم ئەچەقیمە گۆی زێدەکەی دایکەم

رۆڵە لای لایە

 کزەی جەرگەکەم خۆ من بەبێ تۆ تاوێ هەڵناکەم هاوار تاوێ هەڵناکەم، خۆمن بەبێ تۆ هاوار تاوێ هەڵناکەم

توخوا چێم مەهێڵە نامۆم بەبێ تۆ غوربەتی من بوو بۆ وڵاتێکی دوور

گڕی هەتاوم ڵێ نابێتەوە مەگەر زریانێ هاوار بمبەستێتەوە

رۆلە لای لایە رۆلە لای لایە

خۆ من بەبێ تۆ پێم لە دوو نایە، خۆم من بەبێ تۆ چاوم هەڵنایە

دوایین شانسی ئێران بۆ چارەسەری ئاشتیانەی پرسی ناوەکیەکەی

 چیا کورستانی

ئەمڕۆ دوای پازدە مانگ خولێکی دیکە لە وتوویژی  ئەندانانی گرووپی پێنج کۆ یەک (١+٥)لەگەڵ نوێنەرانی ئێرانی لە ئەستەمبوڵ دەستی پێ کرد، ئەوە لە کاتێک دایە کە چەندین مانگ لە وە پێش گەمارۆکانی سەر ئێران لە لایەن  ئەمریکا و هاوپەیمانەکانی زۆر توندتر لە جاران بوونەتەوە و ئەگەری هێرشی سەربازیش بۆسەر ئێران زۆر زیادی کردوە.

ئەمریکا هەر لەم ماوەیەدا ناوێکی گەورەی دیکەی فرۆکە هەڵگری لە کەنداوی فارس دا جێگیر کردوە، ئەوە لە کاتێک دا بوو کە دوای هەڕەشەی بەستنی گەرووی هورمز لە لایەن ئێرانەو ئەمریکا ناوێکی دیکەشی بۆ ئەو کەنداوە بەڕێ کرد و بە  بێ کێشە لە گەرووی هورمزیش دا تێپەر بوو.

مافی مرۆڤی ئیسلامی

    و. چیا عەبدوڵڵاپوور

مافی مرۆڤ بەرهەمی مۆدێرنیتەیە، نەک یەهودیەت، مەسیحیەت، ئیسلام ، ئاینەكانی هیندی ‌و چینی ‌و ئافریقایی ‌و ئەمریكایی ‌و  وتەی یونانیەكان، میسریەكان، ئێرانیەكان، رۆمیەكان، پینی ‌و هیندیە كۆنەكان چەمكێكی هاوواتایان لەگەڵ مافی مرۆڤ نەخستۆتە روو.

وتنی ئەو راستیە مێژووییە لۆمە كردنی هیچ دین ‌و فەرهەنگێك نیە، هەر بەو شێوەیە كە لە كتێبە پیرۆزەكان ‌و نوسراوە كۆنەكانی ناوەندە كلتووریە جۆراوجۆرەكاندا هیچی لە گەڕانی زەوی بە دەوری خۆر، تێدا نیە شتێك لە بەرزی ‌و گرینگی ئەوان كەم ناكاتەوە. هەر دین ‌و مەزهەبێك كە بتوانێ‌ نمونە بێنێتەوە كە چ پشنیارێكی  كردووە بۆ رێز گرتن لە مرۆڤ ‌و ئازادیەكانی، دەتوانێ‌ رێزێكی زۆرتر بە نیسبەت خۆیەوە بوروژێنێت، بەڵام شوێنكەوتوانی زێدەرۆیی دەكەن ئەگەرخوازیاری ئەوە بن كە رێبازی ئەوان بە روونی  هەمان رێبازی مافی مرۆڤ بووە. پێدا هەڵگوتن بە ئازادی ‌و رێز گرتن لە مرۆڤ خۆی لە خۆیدا هەبوونی باوەر بە مافەكانی مرۆڤ نیە. باوەڕ هەبوون بە مافی مرۆڤ واتە باوەر هەبوون بە پێویستی سیستمی سیاسی ‌و كۆمەڵگایەكی دێموكڕاتیك ‌و هەبوونی قانوونێكی پتەوی بەڕێوەبەری (كردەی) كە پشتیوانی بكات كە دەستەبەر كردنی ئازادیە هیزریەكان. جیاوازی دانانی رەگەزی،  نەتەوە، زمان، ئایین، ئەشكەنجە لە ژێر هەر ناوێك دا‌و بە هەر بیانویەك بێ‌ یاساغ بكەن. دێموكراسی  دیاردەیەكی مۆدێرنە، ئەو دیاردەیە بەو ڕادەیە مۆدێرنە كە فیزیای مۆدێرن، مۆدێرنە.

حیزبەکان و هەڵبژاردن لە ئێراندا

ئامادە کردن و وەرگێڕان: چیا کوردستانی

حیزبی سیاسی بەرهەمی پێشکەوتنی گەشەکردنی کلتووری دێموکراتیانە لە کۆمەڵگادا و کلتووری حیزبیش وەک بەشێک لە سەرمایە و دەستکەوتەکانی هەر وڵاتێک ئەژمار دەکرێت. هەڵبژاردنی پارلمانی نۆهەم لە ئێراندا لە کاتێک دا بەرێوە دەچێت کە زۆربەی رێکخرا و حیزبەکان "بە تێکدەرو پێشێلکەری یەکیەتی نەتەوەیی" ناسێندراون.

ئەسڵی ٢٦ی یاسای بنەڕەتی کۆماری ئیسلامی دەڵێ: "حیزبەکان، کۆمەڵەکان، رێکخراو و دامەزراوە سیاسی‌و سینفی یەکان یان کەمایەتیە ئایینیەکان ناسراو و ئازادن. بەو مەرجەی کە لەگەڵ بنەماکانی سەربەخۆیی، ئازادی، یەکیەتی نەتەوە، رێوشوێنە ئیسلامیەکان بێنەوە و بنەمای کۆماری ئیسلامی لە ژێر پێ نەنێن. ناتوانرێ رێگری لە بەشداری کردنی هیچ کەس بگیرێ تێیایاندا یان بەزۆر بەشداری پێ بکردرێ تێیاندا.

نەورۆز و ساڵێ نوێتان پیرۆز بێت

بە بۆنەی هاتنی ساڵی تازەو نەورۆز گەرمترین پیرۆزبایی دەکەم لە هەموو ئەو خەڵک و نەتەوانەی کە نەورۆزیان هەیە بە تایبەت گەڵی کورد لە هەموو بەشەکانی کوردستان و هیوادارم کە ساڵی نوێ و نەورۆز ساڵێ ئاشتی  و ئازادی بێ بۆ هەموو جیهان بە تایبەت گەڵی کورد.

هیوادارم کە ئێمەی مرۆڤیش وەک نەورۆز و ساڵ تازە خۆمان و بیرو هزرمان نوێ بکەینەوە بە دڵێکی پاک بێگەرد بچێنە ناو ساڵ تازەوە و بەرگی رق و قین بوغز و غەرەز لەخۆمان دابماڵێن. بەرگی یەکتر قبووڵ کردن و خۆشەویستی و لێبوردەیی لەبەر بکەین وەک چۆن سرووشت بە هاتنی بەهار بەرگی سەرما و شەختە لە خۆی دادەماڵێ و بەرگی جوانی و شادی لەبەر دەکات.

بەو هیوایە

هەر پیرۆز نەورۆز و ساڵی نوێی هەتاوی١ی خاکەلێوەی ٢٧١٢ ی کوردی

هەلەبجە، هەموو ساڵێ بە تەنیا یادت دەکەم

 بەرەو پیری بەهارەوە چوون بۆ ئێمەی کورد هەم ناخۆشە و هەم خۆشە چوونکە لە کاتێک لە بەهار و نەورۆز نزیک دەبینەوە ئەوا ئەوا یادی شەهید بوونی هەڵەبجە خۆشیەکانمان لەبیر دەباتەوە، ئەو جینایەتە کە دڵی هەر مرۆڤێک دەهەژێنێ ئەوا دڵی ئێمەی کورد زۆر زۆرتر دەهەژێنێ و خۆشی بەهار و نەورۆزمان لەبیر دەباتەوە، هەلەبجە ئەو شارە بوو کە لە کاتی شەری ئێران و ئێراق دا بە بیانووی بوونی هێزەکانی ئەرتەشی ئێران  لە لایەن ریژیمی سەدام حوسێن کیمیاباران کراو لە ماوەی چەند خۆلەک دا ٥ هەزار کەسیان لەو شارە شەهید کرد.

نەسرین حەداد: "خەبات بۆ وەدەست هێنانی مافە نەتەوەییەکان و خەباتی ژنان بۆ وەدەست هێنانی مافەکانیان شتێکی جیا نەکراوە لە یەکترن و پێوەندیان بەیەکەوە هەیە "

خۆرنیوزـ چیا کوردستانی:  خەباتی ژنانی کورد لە نێوان خەبات بۆ مافی نەتەوایەتی و مافی خۆیان

ژنانی کورد لە رۆژهەڵاتی کوردستان هەر لەسەر دەمی کۆماری کوردستان دا چالاکیان کردوە بۆ مافەکانیان بەڵام بە هۆی دۆخی دواکەوتووی ئەو سەردەمی کوردستان نەتوانرا بەشێوەیەکی باش ژنان بەشدار بکەن و بە دوای رووخانی کۆماری کوردستانیش خەباتی ژنان کۆتایی پێ هات و دوای شۆرشی گەڵانی ئێرانیش ژنانی کوردستان چالاکیان لە ناو حیزبەکان دا دەست پێ کرد، بەڵام ئەوی جێگای سەرنجە کە خەباتی ژنان بۆ وەدەست هێنانی مافەکانیان لە نێو خەباتی نەتەوەی ون بووە و دەتوانرێ کە بڵێین پەراوێزیش خراوە و ژنان لەو رێکخراوانەدا هەوڵیان داوە کە زیاتر گرینگی بە خەباتی گشتی بدەن و لەو نێوەش دا ئەگەر هەلیان بۆ رەخسابێ ئەوا پرسی مەفەکانی خۆیان هێناوەتە بەرباس. و بەگشتی پرسی ژنیان بە لاوەکی چاو لێ کردووە و گرنگیان بە پرسی نەتەوەیی داوە و وایان داناوە کە وەدی هاتنی مافە نەتەوەیەکان مافەکانی ژنانیش تێدا دەستەبەر دەبن.