ن.مێهدی بیگ زادە
و: چیا عەبدوڵلا پوور
نیشتمان: ئاخ چەند جارم پێگوتی بەم نێوە بانگم مەكەن نێوی
من ژینوسە، بۆ مەگەر لەبەر ئەو كۆخانەی باوكم خەوم بە چاوان دا دێ كە دەبێ لە
كاتی خۆیشی لەخەم هەستم.
ژینوس لە سەر جێ خەوەكەی را بە گاگۆڵکە دەچێتە پێش
ئاوێنە. "وەی رووخسارم چۆن هەڵمساوە". ئاوێك بە دموچاوی دادەكات.
"دایە شاڵوارە نوێیەكەم لەكوێیە"
ژینوس: تۆ كارت بەم كارانە نەبێ من بۆخۆم دەزانم چۆن
وڵامیان دەمەوە، شتێكی دیكە سندوقی جوانكاریەكەم دیار نیە لە لای كتێبەكان بوو.
دایە هیچ ناخۆم تەنیا بە بابم بڵێ كە پۆلەكەم خەریكە
تەواو دەبێ پێویستم بە دە هەزار تمەنی‌یەكە.
دایك: دایكم، مەگەر پێرێ دەهەزار تمەنت لە من وەرنەگرت،
شتێكیشت كە پێویست نەبوو كەمێك دەست پێوە بگرە ئێمە جیا لەو كەچە پووڵە كە باوكت
وەری دەگرێ داهاتێكی ترمان نیە
ژینوس: جا من چ بكەم منداڵتان نەبایە ئەم هەموو مرۆڤەی
زامداری شیمیایی لە شاردا كار دەكەن بەڵام بۆ بابی ئێمە ناتوانێ! بۆ ئێوە جیا لەم
مۆبایلە شتێكی ترتان بۆ كڕیوم؟!!
بێ ویژدان مەبە بۆ خۆشت دەزانی كە بابت ناتوانێ كار
بكات دوایش چ شتێكت ویستووە بۆمان نەكڕیوی، كۆمپیوتێرت ویستوە بۆمان كڕیوی،
مۆبایلت ویستووە بۆمان كڕیوی، گوتت بۆ دیوی خۆم تیڤیم دەوێ ماهوارەم دەوێ نازانم
دی وی دیم دەوێ هەمومان بۆ كڕیوی كەوش‌و لیباسیش هەر كە مۆدەكەی گۆڕا ئی تۆش
دەگۆڕێ مانگێ هەشتا، نەوەد هەزاریش كە خەرجی رۆژانەتە، زیاتر وەردەگری بەڵام
كەمتر نا!
ژینوس: چاو لە كچی خەڵكی بكە بابیان چهایان كە بۆ ناكەن
هەر ئەو ئاتوسایەی كچی جیرانمان بابی ماشێنی بۆ كریوە.
دایك: كامەی دەڵێی؟ گیارەنگی دەڵێی؟
ژینوس: ئاخ ماندوو بووم لەم هەموو نێوە كوردیانە
نیشتیمان، گیارەنگ، فرمێسك، كانی، شۆرش حەبات بۆ دەنا دەمانهەوێ بچین بۆ شەڕ یان
بۆ شاخ نێوێكی بەناز‌و باكلاستان دانابان.
دایك: ئەتۆ هاورێكانی خۆت دەبینی؟ لانیكەم چاوێكیش لە
كچەكانی دیكە بكە كە مانتۆ‌و شەڵوارەكانیان بە نۆرە لە بەر دەكەن.
دەنگێكی لەڕ‌و لاواز لە سوچی دیوەكەوە دەبیسترێ
"كچێ لێی گەرێ ها بیدێیە وەدرانگ دەكەوێ."
ژینوس: قوربانی دەستت بابە، من رۆیشتم درانگ دێمەوە كلاسی
"تقویتی"مان هەیە.
هەر كە دەركەكەی لەدوای خۆی پێوەدا مۆبایلەكەی كە دایم
زەنگی لێدەدا وەڵامی دایەوە
ـ سڵاو كەیوان ئەگەر وڵامم نەدەدایەوە واتە نەمدەتوانی!
كەیوان: سڵاو، ئاخر درانگە دیسان درانگ دەبێ
ژینوس: ئەوە هاتم، راستی كێت لەگەڵە؟
كەیوان: مێهران
ژینوس: سڵاوی من بگەیەنە بە كاك مێهران‌و پێی بڵێ شەیدا
لێی توڕەیە.
كە گەیشتە بەر دەركێ وەك هەمیشە شەیدا چاوەڕوان بوو
شەیدا: كچێ تۆ چەندە دەنووی نالێی درانگ دەبێ وەرە با
زوو برۆین ماڵتە ئەم كوڕانەش بێتامیان كردووە وەك پەیكەر لەوێ راوەستاون نە
ئیشارەیەك نە پێكەنینێك نە سڵاوێك مرۆڤ بێزار دەكەن
ژینوس: كوڕن دەی، دەڵێن كچ شەرمنن بەڵام كوڕەكان زۆر زۆر
شەرمنترن چاو لێكە.
ژینوس دەستی بۆ لای كوڕەكان هەڵدێنێ "سڵاو كوڕەكان"
كوڕەكان: چەندە شێتە ئەم كچە لە ناو ئەم هەموو خەڵكە
خەریكە دەست بۆ ئێمە دەجولێنێ.
كوڕەكانیش بۆ ئەوەی كە كەم نەهێنن بە ئیشارەی دەست
وڵامیان دایەوە
ژینوس: ئەرێ شەیدا ئەم كوڕە، مێهران زۆری خۆش دەوێی
شەیدا: بۆ دەنا كوڕ نەماون تاكوو وڵامی ئەمە بدەمەوە وەرێ
كەوە.
كچەكان پێش دەكەون‌و كوڕكانیش وەك هەمیشە بەدوایاندا دێن.
لە رێگای قوتابخانە چەند گەنج خەریكن بانگەوازێك لە
دیواری دەدەن.
ژینوس: دیسان ئەو بێكارانە دەركەوتنەوە
شەیدا: بەڵێ بێتامیان كردوە دیسانیش تیرۆژە، دادەی بزانم
چ رووی داوە نە ئی ئەنجومەنی زامدارانی شیمیایی¬یە داوای ناردنی بابەتیان كردووە
بۆ 7ی پووشپەڕ
ژینوس: بەڵێ بۆیان دەنێرم سی دی یەك لە دەنگی كۆخەكانی
بابمیان بۆ دەنێرم، وەرە لێیان گەرێ ئەوان لەوان بێكارتر.
كوڕەكان وەپێش دەكەون بای كچەكان رێگاكەمان دیسان لێك جیا
دەبێتەوە تاكوو زەنكی كۆتایی
ژینوس: بای. شەیدا، تۆ بۆچی وڵامان نادەیەوە؟
شەیدا: ئاخر بۆخۆت دەزانی كە من دۆستم هەیە بۆ دبێ
لەگەڵا مێهرانیش بم
ژینوس: شێتە بۆ ئارەش جیا لە تۆ دۆستی دیكەی نیە گومانی
تێدانیە كە هەیەتی تۆش دەبێ هەت بێ
شەیدا: بۆ دۆستی تۆ وایە؟
ژینوس: من بڕوای تەواوم بە كەیوان هەیە.
***
خانمی سەعادەتی: هەروەك ئاگادارن لە داهاتوویەكی نزیك دا
هاوكات دەبین لەگەڵا ساڵرۆژی بۆمبارانی شیمیایی سەردەشت بە سەرنج دان بە
بانگەوازێك كە ئەنجومەنی زامدارانی شیمیایی لە تەواوی شار‌و قوتابخانەكاندا بڵاوی
كردۆتەوە داوای لە تەواوی هاوڵاتیانی هۆگر‌و هونەرمەند كردوە كە هاوكاریان بكەن‌و
بە سەرنجدان بەوەی كە لەم كلاسەدا 7 كەس لە ئەندامانی بنەماڵەی ئێوە زامداری
شیمیایین‌و هەروەها دوو شەهیدی شیمیاییمان هەیە چاوەروانم چالاكیەكی شایان‌و
شیاوتان هەبێ.
وەرن ئەمرۆ سەبارەت بە 7ی پووشپەر قسە بكەین دەرك‌و
تێگەیشتنی ئێمە‌و هەروەها رادەی ناسینمان تا چ رادەیەكە هەر لە ریزی پێشەوەی
كلاسەوە دەست پێدەكەم لەیلێ تۆ بڵێ؟
لەیلێ: بەراستی من زانیاریەكی ئەوتۆم نیە تەنیا دەزانم
كە 7ی پووشپەڕ هاوكاتە لەگەڵا بۆمبارانی شیمیایی سەردەشت، هەرئەوە.
دەنگێك لە نێو كچەكاندا: زەحمەتت كێشا
ئاسیە: بە سەرنج دان بە زۆری كتێبەكان‌و تاقی كردنەوەكانی
كۆتایی ساڵا تاكوو ئێستا بیرم لێ نەكردۆتەوە.
صەبری: بە درێژایی هەشت ساڵا شەڕ، سەدام حوسێن لە دژی
ئێمە كەڵكی لە چەكە كۆمەڵكوژەكان وەرگرت كە بوو بەهۆی شەهید بوونی سەدان كەس‌و
زامدار بوونی هەزاران كەس.
سەعادتی: نیشتیمان تۆ بڵێ؟
نیشتیمان: مامۆستا چەند جار بڵێم من ژینوسم
سەعادتی: ئەو دەفتەرەی كە بە منە نیشتیمانی نووسیوە من
كارم بە نیە كە نێوەكەت گۆریوە بەڵام دەزانم كە واتای نێوەكەت نازانی كە ئاوا بێ
بایەخە لەلات، دەڵێن وەتەن، خاك، نیشتیمان، دایكی یەك میڵەتە. ئێستا وای بێننە
بەرچاوتان ئێمە بۆ خاكەكەمان منداڵێكی باش بوویین، بۆچی كاتێ قسەیەك لە خۆتان،
ناسنامەتان یان وشەیەكی كوردی دەبێ یان دەبیستن هەڵدێن بۆچی لە كورد بوون بیزارن
زۆرم بەلاوە سەیرە كە كاتتان نەبووە كە مێشكی داخراوتان كەمێك خەریك بكەن ئێوە
مناڵانی سەردەشت یان هەر شوێنێكی كوردستان چ بتان هەوێ چ نەتان هەوێ 7ی پووشپەڕ
یان بۆمبارانی هەلەبجە بەشێك لە ناسنامەی ئێوەیە لەگەڵا ئەوەی كە ئەم كارەساتە هەر
لەشاری ئێوە رووی داوە ناتوانن رستەیەكی بەكەڵكی سەبارەت باس بكەن.
سەعادەتی: لە كاتێكدا كە تۆنی دەنگی زۆرتر دەبوو درێژەی
پێدا چاوەرێی ئەوە نیم كە ئێوە هەر كامێكتان نوێنەری بنەماڵە زەجر
كێشراوەكانی سەردەشت بن چاوەرێی ئەوە نیم هاوار بكەن‌و لە مافی خوراوی خۆتان
بەرگری بكەن هەرچەند كە ئەم چاوەروانیانە غەیر مومكین نین‌و دەست وێراگەیشتنیان
دوور نیە حەتمەن ئەوە بزانن‌و تێبگەن، خەڵكی ساڵی 1366 وەك ئێوە خەریكی ژیانی
خۆیان دەكرد ئەوان هیچ خەتایەكیان نەبوو كە بە خراپترین شێوە مەرگ هاتە پێشوازیان‌و
ئێستاش كە ئێستایە ئەم پێشوازیە لە مەرگە درێژەی هەیە بەڵام بەم جیاوازیە كە تا
گەیشتن بە مەرگ سەد جار دەمرن‌و زیندوو دەبنەوە بروا بكەن ئەم كارەساتە لە
هەرشوێنێكی تر جیهان رووی دابا بێدەنگ دانەدەنیشتن‌و لە پرۆتستۆ كردنی دا بە هەر
شێوەیەك نكۆلیان نەدەكرد‌و هۆلۆكاستێكیان لێ درووست دەكرد.
پرسیارێكم هەیە، پێت دەڵێن بە زووی دەمری، باشە تۆش دەڵێی
هەمووی ئێمە دەمرین ئێتا ئێمە كەمێك زووتر كێشە نیە، بەڵام ئەگەر بڵێن تاكوو
گەیشتنە بە مەرگ هەموو رۆژێ ژانت لەگەڵە ئەو جارە چ دەڵێن ئەم ژانە واژەیەكی
بچوكە بەڵام لە خۆیدا جەهەننەمێكی گەورەی هەیە، ئێستا كە ئێمە دەمانهەوێ لە
منداڵی زامدار یان شەهید شیمیایی بپرسین سەبارەت بە 7ی پووشپەڕ شتێك‌و بۆ وتن پێیە
ئەو رستەیەكمان پێبدات كە لەوانەیە ئەوی لە ئاگاداریەكدا بینیبێت ئەو مافەم دەنی
لۆمەتان بكەم مەگەر دەبێ 7ی پووشپەڕێكی تر دووبارە بێتەوە تاكوو ئێوە ئاگادار
ببنەوەز
بێدەنگی كلاسەكەی داگیر كردبوو دەستێك لە ئاخرین ریزی
كلاسەوە بەرز بۆوەو ئیزنی خواست.
سەعادەتی: شێوا بڵێ؟
شێوا لە كاتێكدا كە زمانی گیرابوو وتی: "بابم
زامداری شیمیایی بوو دوو ساڵا لەمەوبەر توانای نەماو شەهید بوو لە كاتی مەرگ دا
پێی گوتین مەهێڵت مێژوو ئیزن بە خۆی بدات وەها زوڵمێك دووبارە بكاتەوە بەڵێ لە
دوای دوو ساڵا كەم كەم رێگایەك دەتوانم بێنمە بەر چاوم كە وتەكەی بابم تا رادەیەك
بكەمە كردەوە.
سەعادەتی: دڵخشم شیوا هیوادارم كە بە هاوكاری یەكتر
نەهێڵین مێژوو ئیزن بە خۆی بدات وەها زوڵمێك دووبارە بكاتەوە.
دوانیوەرۆی ئەو رۆژە، زەنگی كۆتایی بوو مامۆستای ئەدەبیات
خانمی محەمەدی كچی نا ساڵی خوێندن خەریكە تەواو دەبێ دەرسەكەمان كە تەواو بووە
ئەمرۆ باسەكە ئازادە سەبارەت بە هەر شتێك كە پێتان خۆشە، ئێستا سەبارەت بە چی قسە
بكەین.
ژینوس: 7ی پووشپەڕ
محەمەدی: چی؟ بابەتیكی تر نەبوو كە بمانهەوێ قسەی لەسەر
بكەین بۆچی سەبارەت بە خۆمان قسە نەكەین.
چرۆ: ئەمرۆ لە كاتی دەری خانمی سەعادەتی تەنیا باس لە سەر
7ی پووشپەڕ كرا ئێستاش دەمانهەوێ زانیاریمان زۆرتر بێ.
محەمەدی: كەوایە خانمی سەعادەتی دووبارە مێشكی تێك داون،
لەباتی دەر وتنەوە ئەویش دەرشی شیمی دێت سەبارەت بە 7ی پووشپەڕ باس دادەنێ، من
دەڵێن مرۆڤ ئەگەر دەیهەوی پێش بكەوێ‌‌و هەمیشە دڵخۆش بێ نابێ بەلای ئیحساساتەوە
بروات دەرەكا=ەتان بخوێنن، خەریكی خۆشی بن چتان بە 7ی پووشپەڕ داوە.
شەیدا، بەڵام خانمی سەعادەتی دەڵێ 7ی پووشپەڕ بەشێكە لە
ناسنامەی ئێمە.
محەمەدی: ناسنامە، ناسنامەی من ئمرۆ بە چ كەڵكی من دێت؟
محەمەدی دەیویست درێژە بە قسەكانی بدات كە لەرزەی دەنگێك
لە نێوان كچەكاندا ئیزنی پێنەدا.
ناسنامە یان 7ی پووشپەڕ بۆ ئێوە كە تەنیا بیر لە خۆشی
خۆتان یان بە قەوڵی خۆتان بیر لە ژیانی با كلاس دەكەنەوە لەوانەیە واتایەكی نەبی
بەڵام ئیزنتان نیە لە كلاسدا فكری خۆتان بەسەر ئێمەدا بسەپێنن بەڵێ دەنگەكە،
دەنگی شیوا بوو لە سەر كورسیەكەی هەستا‌و لە كلاس چۆدەرێ.
لە لای پیلكانەكانی هاتنە ژوورەوەی هۆڵی قوتابخانەكە شێوا
لە كاتێكدا كە چاوی بریبۆ خالێكەوە دانیشتبوو. ژینوس لە لای دانیشت
ژینوس: شیوا رات چیە گرووپێكی نەمایش پێك بێنین‌و
هاوكاریمان لەگەڵا ئەنجومەن هەبێ.
شێوا بە سەر سورمانەوە چاوی لە ژینوس كرد چاوەروانی وەها
پێشنیارێكی لە لایەن ژینوسەوە نەدەكرد بەدڵخۆشییەوە ژینوسی لە باوەش كرد
ئەو رۆژە ژینوس زووتر لە رۆژان گەرایەوە ماڵێ، ویستی
راست بچێتە لای بابی بەڵام كەس لە ماڵێ نەبوو لە سەر ئاوێنەی دیوەكەی كاغەزێك
لێبوو، كە لێی نووسرابوو ژینووس گیان بابت تندروستی خراپ بوو بردمانە نەخۆشخانە
ئەتۆ خواردنەكەت بخۆ ئێمە زوو دەگەرێینەوە. ژینوس تازە نەیدەویست هەڵا لەدەست بدا
ئەو بە خۆی دەگوت لەوانەیە كات ئیزنم پێ نەدات كە رابوردوو لانیكەم سەبارەت بە
بنەماڵەكەم قەرەبوو بكەمەوە هەر لەو فكرانەدا بوو كە گەیشتە نەخۆشخانە دەیزانی كە
دەبێ بابی لە ئۆژانس بێ نەخ‌وشخانە زۆر قەرەبالغ بوو بە ناخۆشی توانی لەم كەشە
چوكەدا بابی ببینێتەوە بۆ لایان چوو سڵاوی كرد‌و خۆی گەیاندە باوەشی بابی.
محەمەد: (لە كاتێك دا كە كۆخە هەلی نەدەدایە) ژینوس گیان
هیچ نیە وەك هەمیشەم
ژینوس: بابە ئەورۆ كاتێك كە دەهاتمەوە ماڵێ تەرمێكیان
دەبردە قەبرستان خەڵك دەیانگوت زامداری شیمیای بووەز
محەمەد: بەڵێ كچی خۆم دەزانم ویستیان منیش بچم بەڵام
نەمتوانی
ژینوس: دایە بۆچی لێرە خەواندویانە؟
خدیجە: لە دیوی پیاوان جێگا نەبوو بۆیە هێنایانە ئێرە
ژینوس: بەڵی لە شارێك دا كە هەزاران زامداری شیمیایی دەست‌و
پەنجە لەگەڵا مەرگ لێدەدەن دەبێ وەها نەخۆشخانەیەكیان هەبێ
دایك‌و بابی ژینوس سەریان سورمابوو ئەوە ژینوسە كە ئەو
قسانەی دەكرد.
خەجیج: ژینوس گیان نانت خوارد؟
ژینوس: دەمویست شتێك بڵێم، دەمهەوێ بمبورن كە تاكوو
ئێستا زۆرم كێشە بۆ درووست كردوون. شتێكی دیكە ئەگەر دەكرێ من بە نیشتمان بان
بكەن. لەبیرم چوو، نانم نەخواردوە كاتێك گەراینەوە ماڵێ بەیەكەوە دەخۆیین.
راستی بابە دەمانهەوێ گرووپێكی نمایش لە قوتابخانەدا پێك
بێنین بۆ رێورەسمی 7ی پووشپەڕ، منیش دەری تێدا دەگێرم خانمی سەعادەتی وتی لەگەڵا
ئەنجومەنی زامدارانی شیمیایی هاوئاهەنگی دەكات، قەرارە كە من سەرپەرشتی گرووپەكە
بم.
ئەوە فرمێسكی خۆشی بوو كە لە كوڵمەكانی دایك‌و بابی
ژینوس، نا، نیشتیمان دەهاتە خوارێ.
راهێنانەكانی گرووپی نمایش بە تەواو بوونی تاقی
كردنەوەكانی كۆتایی ساڵا بە باشی بەرێوە دەچوو لەگەڵا ئەو هەماهەنگیانەی كە لەگەڵا
ئەنجومەنی زامدارانی شیمیایی كرابوو بریار وابوو نمایش لە رۆژی 7ی پووشپەڕ لە
بەردەم بەشدار بووان بەرێوە بچێ.
***
هۆڵەكە پر بوو لە خەڵك دەرزیت هەڵدابابە نەدەكەوتە سەر
زەوی زۆرێك لە بەشداربووان بە پێوە بوون كاتژمێرێك لە رێورەسمەكە رابردبوو كە
بەرێوەبەری رێورەسمەكە داوای لە گرووپی نمایشی كچان كرد كە بێنە سەر شانوو.
بەڵێ ئەمانە هەر ئەو كەسانەی كلاسەكە بوون كە ئەم جارە دەیانهەویست
نوێنەرێكی شیاو بۆ هاولاتیانی شاری خۆیان بن بێدەنگی زال بوو بەسەر هۆڵەكەدا
كچەكان وەها بە هەستەوە دەوری خۆیان دەگێرا كە دەتگوت 7ی پووشپەڕی سەردەشت هاتۆتە
سەر شانۆ تاكوو رازەكان باس بكات‌و تاكوو بڵێ كە ئەو رۆژانە هەم ئەوین بوو ئەم
ژیان هەبوو‌و ئەوان كە بوونە قەلغانی رووداوەكە تەنیا ژیانیان دەكرد.
كۆخە هەڵی نەدەدا كە محەمەد فرمێسكی خۆشی بە سەر
كۆڵمەكانیدا بێنێتە خوارێ محەمەد بە رووخسارێكی گەشەوە رووی لە خەجیج كرد وتی بە
ئاواتم گەیشتم هیچ شتێكی دیكەم لە خوا ناوێ دەزانم كە نیشتمان دەتوانێ هاودەمێكی
باش دەبێ بۆت.
خەجیج: بەڵێ راستە بەڵام بێڵە بزانم كە كچەكەمان چۆن
دەور دەگێرێ تاكوو ئێستا بەم شێوەیە ئەوم نەدیوە.
محەمەد: بێلە من بڵێم، راست لەو كاتانەدا بوو، 7ی
پووشپەڕی 66، خەریك بووم لە گەل هاورێكانم لە كار دەگەراینەوە لە ناكاو بوو، تازە
ئەوانم نەدیتەوە، بەڵام نا بارودۆخێكی سەیرم هەیە شتێك پێم دەڵێ كە ئەورۆ لە دوای
بیست ساڵا دەتوانم ئەوان ببینم، خەجیج زامدار بوونی من بۆ تۆ ژیانێكی قورسی
بەدواوە بوو لە دوای رابردنی تەمەنێك لەگەڵا تۆ دەمهەوێ لێم ببوری، هەمیشە تۆم
خۆش ویستووە‌و خۆشیشم دەوێی.
خەجیج كە دەتگوت ئاگاریی لە بارودۆخی هاوسەرەكەی
نیە پێی گوت: كۆڕە ئەو قسانە چیە كە دەیانكەی بێڵە نمایشەكە ببینین. بەڵام تازە
محەمەد دەنگی لێوە نەهات خەجیج چاوی لە رووخساری بێ گیانی هاوسەرەكەی كرد دەتگوت
جیهانیان لێ وەرگرتۆتەوە روخساری لەباوەش كرد‌و گوتی منیش تۆم خۆش دەوێ‌‌و خۆشیشم
دەوێی. ئەمە خەجیج بوو كە سێكانسی كۆتایی نمایشی نا تەواوی شیمیایی سەردەشتی بە
تەنیایی چاو لێدەكرد.
نمایش تەواو بوو دەنگە دەنگێك لە ناو هۆڵەكە پەیدا بوو
كچەكان لە شانۆكە هاتنە خوارێ نیشتیمان ویستی بچێت بۆ لای بابی بەڵام نە محەمەد
تازە لە ناو واندا نەبوو‌و شەهیدێك بە شەهیدانی 7ی پووشپەڕ، لەو رۆژەدا زیاد بوو،
ئەو رۆژە خەڵكی سەردەشت دەیانهەویست هەدیەیەك ببەنە قەبرستانی شەهیدان دەزانین كە
بە باوەشی كراوەوە لێمان وەردەگرن.
كۆتایی
تێبینی: ئەم چیرۆكە لە وێبلاگی رێكخراوی ناحكومی
لاوانی"تیرۆژ" وەرگیراوە
هیچ نظری موجود نیست:
ارسال یک نظر