خۆپێشاندانی چالاکانی سیاسی بۆ پشتیوانی لە کەبودوەند لە وڵاتی فینلاند بەڕێوەچوو+ وێنە

ئەمڕۆ لە وڵاتی فینلاند بە بەشداری چالاکانی کورد و ئێرانی خۆپێشاندانی نارەزایەتی بە دژی دەست بەسەر کردنی کەبوودوەند بەڕێوە چوو.

ئەو خۆپێشاندانە کە لە بەردەم باڵوێزخانەی کۆماری ئیسلامی لە شاری هێلسینکی بەرێوە چوو کە کۆمەڵیک لە چالاکانی سیاسی دانیشتووی وڵاتی فینلاند تێی دا بەشدار بوون، و بە وتنەوەی دروشمی ''زندانی سیاسی آزاد باید گردد" و ''کەبەدوەند آزاد باید گردد'' دەستی پێ کرد و دواتر راگەیەندراوی کۆمیتەی پشتیوانی لە کەبودوەند بە هەردوو زمانی کوردی و فارسی خوێندرایەوە. کە لەودا سەڕەڕای ئاماژە کردن بە بارودۆخی نالەباری ''کەبودوەند'' کرابوو و هەروەها داوا لە دەوڵەتی فینلاند و رێکخراوە نێودەوڵەتیەکانی مافی مرۆڤ کرا بوو کە رۆڵ و نەخشی خۆیان بگێرن لەو پێوەندیەدا.